Rôh hôp Khu pơkuâ Đảng ƀô̆ kong pơlê Dak Lak rôh má 25 po rơdâ
Thứ ba, 14:07, 02/07/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo lơ 1/7 Rôh hôp Khu pơkuâ ngăn Đảng ƀô̆ kong pơlê Dak Lak rôh má 25 po rơdâ hiăng tơkŭm po vâ mơnhên tối tơdroăng pêi pro hnoăng cheăng 6 khế apoăng hơnăm, pơkâ mơ’no hnoăng cheăng ki kal 6 khế mơ’nui hơnăm ƀă pơkâ tơleăng mâu tơdroăng cheăng ki ối tung hnoăng pơkuâ.
A rôh hôp, mâu kăn hiăng tơpui tơno, pơkâ mơ’no mâu troăng mơnhông mơdêk cheăng kâ rêh ối pơlê pơla 6 khế mơ’nui hơnăm. Tơpui a rôh hôp, pôa Phạm Ngọc Nghị, Kăn phŏ pơkuâ ngăn Đảng ủy, Kăn hnê ngăn Vi ƀan kong pơlê Dak lak pơkâ thế rêm râ Đảng, khu pơkuâ, mâu kơvâ cheăng pơtối hơ’lêh nếo, mơdêk ki rơkê, tơƀrê tung hnoăng cheăng hnê mơhno, séa ngăn tơbleăng pêi pro mâu tơdroăng pơkâ, hnê mơhno dêi tơnêi têa, dêi kong pơlê.
Klêi mê, thăm mơdêk séa ngăn, mơdêk ki rơkê tung hnoăng cheăng kong pơlê, ƀơrô cheăng, hbrâ mơdât kâ kơluâ, pro mơhrê ƀă hơ’lêh túa chêh bro mơ-éa. Malối, mâu tơring cheăm tíu pêi cheăng athế hbrâ rơnáu, rĕng ƀĕng pơkâ tơleăng mâu tơdroăng ki nếo trâm.
Viết bình luận