A rôh hôp, Hô̆i đong hiăng tơpui tơno, tơmâng hnê tối mâu tơdroăng hiăng châ pêi pro mâu kơvâ cheăng, malối cho cheăng lêng,  kring tơniăn, tơpui kâ tung hơnăm hdrối mê hía nah; tơdroăng  tơbleăng pêi Pơkâ kơxô̆ 05 dêi Khu xiâm kal kí hneăng 13 ‘na tơkŭm cheăng lêng kuăn pơlê hơnăm 2021-2030 ƀă mâu hơnăm pơtối; Pơkâ kơxô̆ 12 dêi Khu xiâm Kal kí hneăng 13 ‘na mơnhông mơjiâng khu lêng kŏng an kuăn pơlê pêi cheăng tơdrăng lĕm, rơdêi, pêi tŭm tơdroăng, rơkê khât, tiô túa nếo, ai tiô púi vâ tơdroăng cheăng pêi tung nôkố.

Kăn xiâm hnê ngăn tơnêi têa Tô Lâm pơkâ thế, tung la ngiâ kal pơtối séa ngăn, tăng ngăn, hbrâ tăng ‘nâi tơdroăng, tối nhên, tơbleăng hdrối tơdroăng tung lâp plâi tơnêi tung kơpong, tung tơnêi têa, malối mâu tơdroăng nếo ‘nâi tơdjâk troh cheăng lêng, kring tơniăn dêi Việt Nam vâ teăm tăng ‘nâi plĕng ƀă Đảng, Tơnêi tea mâu troăng rơhlâ,  tơdroăng pêi pro teăm tơdrêng, ôh tá kơdrâ tung tŭm  tơdroăng nôkố.