Veăng ai mâ a rôh hôp mơgê Luâ̆t kăn Khu lêng kuăn pơlê Việt Nam, mâu kăn tối nhên, mâu tơdroăng tơƀrê, mâu tơdroăng ki rơkê dêi tâi tâng khu lêng tung pêi pro Luâ̆t kăn Khu lêng kuăn pơlê Việt Nam hơnăm 1999. Luâ 10 hơnăm pêi pro Luât hiăng pro chiâng troăng hơlâ luât mơjiâng khu kăn lêng rơdêi, rơkê rế hía rế mơdêk, pêi xiâm mơjiâng Khu lêng kuăn pơlê kăch măng, ki păng ‘nâng, rế hía rế rơkê, mơjiâng ƀă rak vế krá rơdêi Tơnêi têa Việt Nam xah hô̆i chuh ngiah.

Mơgêi rôh hôp, Đăi tươ̆ng Phan Văn Giang mơhno nhên: Hnoăng cheăng tí tăng ‘nâi plĕng mơjiâng hlá mơ-éa xua tơdroăng luât ai rôh tá hâi teăm châ pêi pro tơdrêng. Pơkâ hnoăng cheăng, inâi tơ’mô ƀă kơlŏng dêi kăn lêng a mâu kơ koan, tíu pêi cheăng tá hâi tơtro. Tơdroăng ki pêi pro Luât kăn lêng nôkố ối ai mâu tơdroăng tơvâ, xua khu tơrŭm lêng ai hên pơhlêh, hiăng châ ‘mâi rơnêu tiô troăng ki păng ‘nâng, ó rơdêi.