A roh trâm mâ, péa Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên tơrŭm cheăng Việt Nam – Lếo cho tơmeăm tơdjuôm ki kơnâ dêi péa hdroâng mơngế, cho kal khât ôh tá tơdjâk pa kong ƀă cho ivá kân má môi dêi péa Đảng, péa Tơnêi têa ƀă kuăn pơlê péa tơnêi têa, kal pơtối mơnhông, rak ƀă pơtó ăm mâu rơxông kơ’nâi.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên hdrối mơ’nui môi tiah môi, tơrŭm cheăng Việt Nam – Lếo cho kơjo má môi tung troăng hơlâ tơpui kâ ƀă kong têa ê dêi Việt Nam.  Pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên tung tơdroăng ki lâi, Lếo kô rơtế Việt Nam rak krá tơniăn, rak ƀă tơbêng tơrŭm cheăng rŭm môi tuăn ki má môi Việt Nam – Lếo rế hía rế mơnhông, tơpo reăng kơ’muăn plâi, xua pơxúa kal khât dêi kuăn pơlê rêm tơnêi têa, xua hơniâp lĕm, tơniăn ƀă mơnhông dêi kơpong ƀă lâp plâi tơnêi.