Rơkâu 99 hơnăm hâi hlá tơbeăng kăch măng Việt Nam, khu râ kăn pơkuâ mâu kơ koan, tíu cheăng hiăng pơtroh mâu rơkong rơkâu lĕm tro má môi troh khu pú hên kăn ƀô̆, khu râ kăn pơkuâ ƀă khu chêh hlá tơbeăng, rah chêh hlá tơbeăng, kih thuât viên, mơngế pêi cheăng dêi Rơ’jíu Việt Nam.

Pôa Đỗ Tiến Sỹ tối ăm ‘nâi, Rơ’jíu Việt Nam dế ai mâu troăng prôk pơhlêh rơdêi vâ mơjiâng Rơ’jíu chiâng kơ koan hlá tơbeăng ki xiâm, hên troăng pêi, hên ‘na kơmăi kơmok, hên ‘na xiâm rêi krá kâk, hên nâl tơpui chiâng kơ koan pơtâng tối ó rơdêi má môi dêi tơnêi têa, ai tơdroăng ki loi tơngah a râ tung kơpong ƀă lâp plâi tơnêi.

Rơ’jíu dế mơ-eăm pêi pro pơhlêh xúa kŏng ngê̆ hlá tơbeăng tiô 3 tơdroăng ki xiâm, mê cho: tơdroăng xiâm xúa kŏng ngê̆, pơtroh tơdroăng xúa kŏng ngê̆ ƀă kuăn pơlê tơmâng ing kŏng ngê̆, ngăn kố cho troăng ki vâ mơnhông rơdêi, ai kơnâ pơkâ troh tơdroăng ki rêh ƀă mơnhông dêi mâu kơ koan hlá tơbeăng tối tơdjuôm ƀă Rơ’jíu Việt Nam tối krê tung chal nếo.