A Hngêi tơbâ Kơpong tíu chôu ‘măn tơmeăm khoăng ton nah khôi túa lĕm tro Tơnêi têa ki má môi Tơnêi têa Tíu peăng cheăng peăng hdroh, khu râ kăn hiăng têk nhang, pleăng reăng ƀă ối tâng tu ko vâ tơbâ hnoăng kân kĭn dêi pôa Hồ Chí Minh, Kăn xiâm hnê ngăn tơnêi têa hneăng apoăng ƀă mâu Ngế khên tơnôu hlâ tung tơplâ xâ ƀă tơdroăng tơleăng lĕm hdroâng mơngế.

A Đông mô đô̆i gak tơkăng kong Tíu tê mơdró ngi kong têa ê lâp plâi tơnêi Xa Mát, klêi kơ’nâi tơmâng tơbleăng ‘na tơdroăng pêi cheăng dêi đông, jâ Võ Thị Ánh Xuân, Teăng Kăn xiâm hnê ngăn tơnêi têa mơnhên ƀă kheăn kơdeăn mâu tơdroăng châ tơƀrê dêi kăn ƀô̆ mô đô̆i Đông gâk tơkăng kong Tíu tê mơdró ngi kong têa ê lâp plâi tơnêi Xa Mát hiăng châ tơƀrê tung pơla kố nah.

Tơdrêng amê, pơkâ thế kăn ƀô̆ mâu mô đô̆i Đông tơkăng kong Tíu tê mơdró ngi kong têa ê lâp plâi tơnêi Xa Mát kal pơtối mơnhông khôi túa pêi cheăng dêi đông lêng khên tơnôu khu lêng kuăn pơlê; mơnhông khôi túa dêi khu lêng, khu mô đô̆i gâk tơkăng kong, pêi pro lĕm tro hnoăng cheăng kal kí.