A tơdroăng ki tơdah ro kơxô̆ 3 a cheăm Čư̆ Êlang, tơring Ea Kar, kong pơlê Dak Lak, đi đo ai lối hrĭng ngế kăn ƀô̆, mâu ngế cheăng, ngế ki pêi cheăng ƀă lối 60 toăng rơxế châ klâ pro 3 xôh, pêi cheăng plâ hâi plâ măng. Mâu tơdroăng bro ki kal tung hneăng ki kố cho bro trê kông, trê troăng, ngiâ troăng ƀă hên ki ê.

Pôa Trần Hữu Quốc - Kăn pơkuâ bro tơdroăng tơkêa kố ăm ‘nâi, troh nôkố tơdroăng kố ối ai mâu tơdroăng ki tơvâ tá hâi châ tŏng kum klêi, mê cho tơdroăng ki hơ’lêh tơnêi kong, ăm tơnêi bro troăng, mâu tíu pêi cheăng dế mơ-eăm mơdêk rĕng tơdroăng ki bro, gu mâu tơnêi, troh tiú lâi, rĕng bro troh mê.

A tíu ki bro kơxô̆ 2 xua Khu xiâm ngăn troăng prôk pro ngế ki ‘no liăn cheăng ối tung kơpong cheăm Čư̆ Drăm, tơring Krông Bông mâu tíu pêi cheăng dế pêi pro xuân xing xoăng pơtroh kơmăi kơmok, mâu ngế cheăng vâ bro mâu tơdroăng ki kal.