Teăng mâ Khu xiâm pơkuâ tơdroăng kal kí tối tơbleăng diâp Pơkâ ăm Thươ̆ng tươ̆ng Nguyễn Duy Ngọc, Kăn pơkuâ ngăn Đảng ki ai mâ đi đo Lương Cường rơkâu ƀă pơkâ thế tung la ngiâ, pôa Nguyễn Duy Ngọc rĕng ‘nâi nhên tơdroăng, tung mê, kal tơkŭm séa ngăn tơdroăng pêi cheăng dêi Khu pơkuâ ngăn Tơnêi têa, Khu xiâm pơkuâ tơdroăng kal kí, Khu pơkuâ ngăn Đảng, ki hdrối tâ hbrâ rơnáu krâu Rôh hôp khu pơkuâ ngăn Tơnêi têa 10 la ngiâ ah.

Tơpui drêng xo dêi hnoăng cheăng, kăn pơkuâ Ƀơrô cheăng Tơnêi têa Nguyễn Duy Ngọc tối hâk tơngăm châ xo pơkâ dêi Khu pơkuâ tơdroăng kal kí tung hnoăng cheăng ki nếo, tối rơdêi khŏm pêi pro tro tơdroăng xoăng cheăng dêi khu tơrŭm, hbrâ rơnáu ƀă pêi klêi tro mâu hnoăng cheăng châ pơcháu, tung mâu tơdroăng ki lâi pơtối mơ-eăm pêi klêi hnoăng cheăng châ Đảng, Tơnêi têa ƀă kuăn pơlê pơcháu.