Thươ̆ng tươ̆ng Nguyễn Tân Cương tối nhên, tơrŭm cheăng pơla péa  tơnêi têa tung mâu hơnăm hdrối mê hía nah pơtối pêi châ tơƀrê tung mâu kơ vâ cheăng, mê cho: Tơbleăng trâu rơdâ tơdroăng pơkâ tung kơthô ƀă ‘na Pơkâ tơrŭm cheăng rêm hơnăm pơla Ngế xiâm pơkuâ ngăn lêng; tối tơdroăng hlê tơdjuôm ‘na mâu tơdroăng; hnê mâu ngế rơkê vâ pêi cheăng; tơrŭm cheăng rak ngăn, kring gak tíu tơkăng kong, veăng gum kuăn pơlê kơpong tíu tơkăng kong mơnhông cheăng kâ rêh ối - pơlê pơla; tơrŭm ƀă, veăng gum dêi rơpó a mâu hneăng hôp, luât pơkâ hên troăng.

Thươ̆ng tươ̆ng Nguyễn Tân Cương tơdah Kăn xiâm phŏ pơkuâ ngăn Lêng Pơtáu kong têa Kul

Thươ̆ng tươ̆ng Nguyễn Tân Cương pơkâ thế tung la ngiâ, péa pâ kal tơkŭm pêi a mâu tơdroăng, mê cho: Tơrŭm tăng ‘nâi ƀă tơbleăng pêi tơƀrê tơdroăng hlê tơdjuôm dêi mâu kăn rêm râ ƀă Khu xiâm pơkuâ ngăn Lêng péa tơnêi têa ‘na tơrŭm cheăng lêng, kring gak tơkăng kong; tơpui tơno tơrá mâu kăn; trâm mâ pơla mâu kăn lêng hơnăm ối nếo; hnê mâu ngế rơkê pêi cheăng, tơrŭm rak ngăn, kring gak tíu tơkăng kong, hnê hriâm vâ hlê tơdroăng lĕm tro ki hmâ pêi pro ton nah tung tơrŭm cheăng pơla péa pâ, ƀă khu lêng péa tơnêi têa.