Diâp pơkâ ƀă tơpui a rôh leh, Kăn xiâm hnê ngăn tơnêi têa tối nhên, Pơkâ pôk kố cho tơdroăng ki hâk tơngăm kân dêi pôa Trịnh Văn Quyết, tơdroăng ki ro tơdjuôm dêi Khu Đảng lêng Tơnêi têa, Khu xiâm pơkuâ ngăn lêng, Khu xiâm pơkuâ tơdroăng kal kí cheăng lêng Khu pơkuâ ngăn lêng kuăn pơlê Việt Nam ƀă khu lêng kring vế tơniăn kuăn pơlê; tơdrêng amê hlối mơhno tơdroăng ki loi tơngah, tơmâng ngăn dêi Đảng, Tơnêi têa ƀă Kuăn pơlê ƀă Khu lêng; tơdroăng ki tơmâng xo, mơnhên tối khât mâu tơdroăng veăng kum, pleăng dêi pôa Trịnh Văn Quyết ƀă hnoăng cheăng Đảng, hnoăng cheăng kal kí tung Khu lêng tung mâu hơnăm hdrối nah.

Tơpui a rôh leh, Thươ̆ng tươ̆ng Trịnh Văn Quyết tơhrâ pơtối mơ-eăm, ‘mâi rơnêu, hriâm pât, rak vế ki lĕm tro dêi kăch măng, châ vâi lo tơngah, ‘na hnoăng cheăng dêi ngế kăn ƀô̆, đảng viên hneăng ki nếo; hbrâ rơnáu xo ƀă pêi klêi mâu hnoăng cheăng châ Đảng, Tơnêi têa, Khu lêng ƀă Kuăn pơlê pơcháu.