Dak Lak Innovtion Hub cho Tíu hnê pơxiâm pêi cheăng hriăn plĕng tơdroăng ki nếo rôh apoăng a Dak Lak, môi tơdroăng tơkêa bro dêi kuăn pơlê, châ mơjiâng ƀă kơlo liăn mơnhông hệ sinh thái pơxiâm pêi cheăng, veăng gum mâu khu mơdró pơhlêh nếo ƀă mơnhông cheăng kâ rơkê plĕng a kong pơlê, tíu trâm mâ dêi mâu kuăn pơlê pơxiâm pêi cheăng ƀă mâu khu ‘no liăn cheăng, mâu ngế rơkê, mâu khu tơrŭm cheăng, mâu khu rơtế ƀă pơxiâm cheăng.

Kố xuân cho tíu tơdjêp dêi mâu tơdroăng tơmiât hriăn plĕng ki tơƀrê ƀă mâu tơmeăm ki kal vâ gum mâu khu mơdró pêi cheăng cho. Pakĭng mê, tíu xiâm ối cho tíu ki tối ăm ‘nâi tơdroăng ‘na kong pơlê, cho tíu ki koh tơdah mâu tơmối, mâu khu ‘no liăn cheăng vâ tăng ‘nâi plĕng ‘na mơhno túa lĕm tro, lơ veăng ‘no liăn cheăng ăm mâu tơdroăng tơkêa bro a Dak Lak.

Pôa Nguyễn Tuấn Hà, Kăn phŏ hnê ngăn Vi ƀan kong pơlê Dak Lak ăm ‘nâi, ƀă tơdroăng hbrâ dêi khu mơdró pơxiâm pêi cheăng, tơdroăng kố pơtối hdró rôh pơxiâm mơnhông ki nếo dêi hê̆ sinh thái pơxiâm pêi cheăng a Dak Lak.