Xông tơpui mơgêi hneăng hôp, pôa Nguyễn Trọng Nghĩa kheăn kơdeăn Khu pơkuâ tơdroăng cheăng Đảng kong pơlê Dak Lak hiăng tơmâng pơkuâ pêi pro Pơkâ séa ngăn; hbrâ, pôu râng hnoăng cheăng, hbrâ tơtro tơdroăng xiâm châ séa ngăn; tơrŭm păng ‘nâng, châ tơƀrê ƀă Khu séa ngăn dêi Khu ki iâ ngế châ rah xo vâ hriăn plĕng Gâk kring cheăng kal kí tung khu xiâm Tơnêi têa.

Kăn pơkuâ khu séa ngăn pơkâ Khu pơkuâ tơdroăng cheăng Đảng kong pơlê Dak Lak pơkuâ, hnê mơhno ai troăng pêi tah lôi teăm tơdrêng mâu tơdroăng ki ối tơvâ, tá hâi tơtro vâ pơtối pêi pro châ tơƀrê tơdroăng gâk kring kal kí tung khu ƀă tơdroăng nôkố, ki phá tơ-ê dêi kong pơlê; pơtối tơbleăng, hlê plĕng, po rơdâ pêi pro kơtăng mâu mơ-éa dêi Khu xiâm tơdjâk troh tơdroăng gâk kring kal kí tung khu.