Leh tơdah châ tơkŭm po kân krip ing pơkuâ dêi Đăi tươ̆ng Phan Văn Giang, Ngế xiâm pơkuâ lêng Việt Nam. Klêi kơ’nâi leh tơdah, Ngế xiâm pơkuâ lêng péa tơnêi têa pêi pro tơdroăng leh koh tơneăn tơkăng kong; pêt loăng nhŏng o tơkăng kong Việt Nam – Sinuâ a Tíu tê mơdró ngi kong têa ê lâp plâi tơnêi Lào Cai; pôa Phan Văn Giang pik mơngiơk tơneăn hnoăng pơkuâ (102) (2) peăng Việt Nam.

Tung roh trâm tơpui tơno, pôa Phan Văn Giang prế pôa Đổng Quân, Ngế xiâm rơtế khu râ kăn teăng mâ Khu xiâm pơkuâ lêng péa tơnêi têa veăng leh pôe ché phiu ro Hngêi rak khôi túa lĕm tro nhŏng o tơkăng kong Việt Nam – Sinuâ; lăm pôu ƀă diâp kơxuô tơmeăm Hngêi trung râ má môi Kim Đồng (pơlê kong kơdrâm Lào Cai); lăm pôu Đông mô đô̆i gâk tơkăng kong Tíu tê mơdró ngi kong têa ê lâp plâi tơnêi Lào Cai. Ngế xiâm pơkuâ lêng péa tơnêi têa Việt Nam – Sinuâ xuân veăng leh kĭ tơkêa mâu mơ-éa ki kal tơrŭm cheăng.