Troh nôkố, Troăng kân tơdrăng Vạn Ninh (Quảng Bình) – Cam Lộ (Quảng Trị) hiăng klêi vâ chê 45 km ngâ troăng, châ vâ chê 72%. A tíu bro a 70 tíu bro kông, troăng, troăng kơdoăng têa, klôh tung kơdâm tơnêi ƀă vâ chê 660 kế tơmeăm ƀă lối 1.500 ngế kŏng nhân. Tung pơla kong prâi tơniăn lĕm, mâu hmốu, prêi xơmong châ bro phuâng, mâu khu ki xo bro dế mơdêk tơdroăng ki bro ƀă chêl tơdroăng cheăng ki tá hâi tŭm tâng pơchông ƀă tơdroăng pơkâ.

Kăn pơkuâ kong pơlê Quảng Bình ƀă kong pơlê Quảng Trị tơhrâ kô klê hnoăng cheăng gu tơnêi tung khế 7 vâ tíu pêi cheăng bro kố tơ’lêi. Klêi hâi khế kố kô hnê mơhno mâu tíu pêi cheăng ki ai tơdjâk troh rak vế tơdroăng ki bro tro tô pơkâ. Tâng khŏm mơ-eăm, tơdroăng kân Vạn Ninh – Cam Lộ mơni kô bro klêi ƀă ăm rơxế kơtâu klăng a hâi lơ 30/4 hơnăm 2025.