Kơxop hlá mơ-éa túa pơkâ tơdroăng vâ pêi troh hơnăm 2030: tâi tâng kơ koan chêh hlá tơbeăng, pơtui pơchuât, mơ’no um tơvi pêi pro hơ’lêh kơxô̆, pơhlêh nếo tâi tâng tơdroăng cheăng, pơkâ xúa tíu chêh bro tơkŭm tiô troăng hlá tơbeăng kơxô̆. Pơtối ‘no liăn, mơjiâng bro 6 to kơ koan tối tơbleăng tơdroăng kal ki xiâm hên kơvâ mê cho Um Tơvi Việt Nam, Rơ’jíu Việt Nam, Thŏng tâ̆n xah Việt Nam, Hlá tơbeăng Nhân dân, Hlá tơbeăng Khu lêng ƀă kuăn pơlê, Hlá tơbeăng Kŏng an kuăn pơlê kân rơdêi, rak vế hnoăng cheăng pơkuâ djâ tung kơvâ chêh hlá tơbeăng.

Pôa Trần Lưu Quang, Ngế pro xiâm phŏ hnê ngăn tơnêi têa pcơháu ăm Khu xiâm tối tơbleăng tơdroăng kal tiô troăng hyôh um tơvi, rơ’jíu, internet séa ngăn ‘mâi rơnêu kơxop hlá mơ-éa ƀă tơdroăng pơkâ tơkŭm tung tơdroăng ki pơkâ troăng tơmiât, ai pơxúa, mơni kô tơƀrê, la ôh tá ai tơdroăng klâi ƀă mâu túa pơkâ ki ê ƀă rak tơniăn tơdroăng ki tơƀrê.