Thươ̆ng tươ̆ng Nguyễn Văn Nghiã, Kăn Phŏ tăng ‘nâi plĕng ‘na cheăng lêng Việt Nam veăng hôp. Tung 5 hơnăm hdrối, Ƀinh đoân 15 hiăng mơ-eăm tơbleăng pêi tơƀrê tơdroăng mơhnhôk tơ’noăng ƀlêi trăng. Kơnôm ing mê, ki pơxúa tung pêi cheăng kâ dêi Ƀinh đoân hiăng châ lối 13.100 rơtal liăn, ki rơkâ lối 800 rơtal liăn, tâk 183% tâng vâ pơchông ƀă pơla hdrối nah.

Tung mê, ai hên túa tơ’noăng hriăn rơkê ƀă ai pơxúa mê cho: “Veăng tơlo liăn gum dêi rơpó’’, “Khu vâi kơdrâi gum dêi rơpó mơnhông cheăng kâ tung rơpŏng hngêi”, “Kơdrum loăng pêt mơnúa”, “Báu pêt tơvât ƀă hdrê loăng ki ê’’ ƀă ” kơdrum kơchâi tuăn pâ’’ hiăng châ tơbleăng pêi tơƀrê khât. Ing tơdroăng pêi tơƀrê dêi tơdroăng tơ’noăng ƀlêi trâng, Ƀinh đoân 15 hiăng tơniăn pêi cheăng kâ tê mơdró rơtế ƀă tơniăn tung rêh ối, veăng kring tơniăn cheăng lêng a mâu kong pơlê ki ai đông lêng.