Pôa Đặng Hoàng Giang Kăn teăng mâ tối Việt Nam đi đo nhoăm ƀă pơkâ tơdroăng kring vế ƀă rak ngăn vâi hdrêng cho tơdroăng ki pêi pro a hdrối tung tơdroăng mơnhông cheăng kâ - rêh ối dêi tơnêi têa, ‘măn liăn kal ‘no mơjiâng tơmeăm khoăng mơnhông vâi hdrêng. Jâ June Kunugi,  khĕn kơdeăn khât mâu hnoăng veăng pêi dêi Việt Nam hiăng pêi châ tơƀrê tung vâ chê 40 hơnăm pêi tiô tơdroăng pơ’lêh nếo, ngăn mê cho xiâm vâ Việt Nam pêi châ tơƀrê mâu tơdroăng cheăng tơxâng mơhnhôk tung rak ngăn ƀă kring vế vâi hdrêng.

A rôh trâm mâ, péa pâ vâ môi tuăn tơrŭm ƀă tơkŭm pêi pro drêng troh tơbâ 50 hơnăm tơrŭm cheăng pơla Viêt Nam - UNICEF, xuân môi tiah tơdroăng tơpui mơnhông tơƀrê tơdroăng cheăng UNICEF tung mơhnhôk tăng liăn, pêi mâu tơdroăng tơkêa bro, mơdêk tơrŭm cheăng , tơrŭm tung kơpong châu Á-Thái Bình Dương.