A kơpong tơkăng kong dêi kong pơlê Dak Lak, Khu ngăn on tơhrik Ea Sup dế rak ngăn lối 21.000 ngế kuăn pơlê ki xúa on ƀă kơxô̆ liăn xo  rêm khế dâng 12 rơtal liăn. Malối, tíu pêi cheăng ối mơ’no on tơhrik ăm 9 to đông tơkăng kong dêi Việt Nam ƀă Kul. Ƀă ki tơviah mê a kông kong ngo kân rơdâ, kuăn pơlê rêh ối preăng prêh, troăng prôk pá puât. Khu ngăn on tơhrik Ea Sup hiăng hbrâ ƀă rơkê tung pêi cheăng mơ’no on tơhrik vâ tơniăn ăm kuăn pơlê.  

Kăn ƀô̆, kŏng nhân cheăng ngăn on tơhrik xuân đi đo lăm veăng hôp a mâu thôn pơlê vâ trâm, tơpui tơno ƀă kuăn pơlê, hnê kuăn pơlê xúa on tơhrik tơniăn, tối mâu tơdroăng ki kuăn pơlê tôu tuăn tá hâi plĕng ki tơdjâk on tơhrik. Tíu pêi cheăng xuân rơkê pơhlêh troăng hơlâ xo liăn nâp on tơhrik ăm tơtro ƀă tơdroăng cheăng kâ rêh ối dêi kuăn pơlê a tíu tơkăng kong, chôa ‘lâng gum kuăn pơlê châ achê mâu tơdroăng ki pơxúa ‘na on tơhrik.