A hneăng hôp, péa pâ tối tơrŭm cheăng mơdêk pơla Việt Nam - Siam rế mơnhông trâu rơdâ ƀă khât, ing tơdroăng nhoăm, loi dêi rơpó rơtế ai pơxúa. Péa pâ xuân vâ môi tuăn mơdêk tơrŭm trâm mâ kuăn pơlê, malối pơla rơxông nếo, ing mâu tơdroăng mơhno túa lĕm tro, tơ’noăng ivá, ôm hyô, hnê hriâm ƀă hnê mơjiâng tuăn ngôa rơkê; mơdêk hnê nâi Siam a Việt Nam ƀă hnê nâl Xuăn a kong têa Siam.

Pakĭng mê, péa pâ tối nhên ki kal dêi tơrŭm cheăng  hlối pơtối rak vế  ki kơnía túa lĕm tro, tơdroăng ton nah Việt Nam a kong têa Siam; mơhnhôk mơnhông mâu tơdroăng tơkêa bro xua kuăn pơlê krá tơniăn dêi Siam a Việt Nam. A rôh hôp, péa pâ hiăng tơpui tơno ‘na tơdroăng cheăng hbrâ hneăng lăm pôu Việt Nam dêi Ngế pro xiâm hnê ngăn kong têa Siam ƀă hlối rơtế pơkuâ rôh hôp Chin phuh tơdjuôm roh má 4. Pôa Bùi Thanh Sơn - Ngế xiâm tối nhên, pôa Phạm Minh Chính - Ngế pro xiâm hnê ngăn Chin phuh púi vâ châ tơdah Ngế pro xiâm hnê ngăn kong têa Siam tung la ngiâ.