Ing mê, riân sap khế 1/2025 troh tâi hơnăm 2027, Việt Nam kố  veăng xing xoăng tơdroăng cheăng mơjiâng ƀă mơnhông tơƀrê mâu troăng rơhlâ ki kân dêi  UN Women,  tơniăn mâu troăng rơhlâ ƀă tơdroăng cheăng dêi kơ koan mê vâ môi tuăn ƀă mâu pơkâ ƀă luât pơkâ tâi tâng dêi Khu lâp kong têa ‘na mơdêk ôh tá pơrah kơdrâi ƀă kơnốu diâp hnoăng pơkuâ ăm vâi kơdrâi.

Cho tơnêi têa ối tung Hô̆i đong pêi pro tro, Việt Nam xuân veăng tung mâu tơdroăng kĭ pơkâ mâu tơdroăng vâ pêi, tơdroăng cheăng xuân môi tiah mâu pơkâ ‘na tơdroăng  pêi ngăn hlá mơ-éa, ‘na  liăn ngân ƀă liăn  dêi UN Women.

Tơdroăng ki tâi tâng mâu tơnêi têa tung ECOSOC môi tuăn rah xo Việt Nam mot tung Hô̆i đong pêi pro tro dêi UN Women mơhno ki tơmâng xo ƀă khĕn kơdeăn khât dêi mâu kong têa tung lâp plâi tơnêi ƀă mâu luât pơkâ tŏng kum, hnoăng ki mơdêk oh tá pơrah pơla kơdrâi kơnốu ƀă ki mơ-eăm tơrŭm cheăng dêi Việt Nam tung kơvâ pơkuâ dêi UN Women tung la ngiâ.