Pôa Nguyễn Phú Trọng Kăn xiâm pơkuâ ngăn Đảng tối, Việt Nam nhoăm môi tuăn, veăng gum hơnía git dêi Liên Xô, tung mê ai kong têa Rusi hdrối nah ƀă kong têa Rusi nôkố tung tơdroăng tơplâ tơbriât pơkuâ tơniăn lĕm, 2 rôh tơplâ, lâp tơnêi têa tơrŭm môi ƀă tung tơdroăng mơjiâng ƀă kring vế tơnêi têa xo ah hmôi.
Kăn xiâm pơkuâ ngăn Đảng tối Việt Nam đi đo nhoăm tơdroăng tơrŭm tiah hmâ ton nah, Tơrŭm cheăng tung tŭm tơdroăng ƀă Rusi, cho môi tơdroăng ki tŏng kum má môi tung luât pơkâ tơpui kâ dêi tơná. Pôa Putin tối phiu ro lăm pôu Việt Nam ƀă châ trâm pôa Nguyễn Phú Trọng, Kăn xiâm pơkuâ hnê ngăn Đảng, tối nhên Việt Nam cho pú, tơrŭm loi nhoăm dêi kong pơlê Rusi; tơdroăng tơrŭm pơla péa tơnêi têa hiăng châ mơnúa ing mâu hơnăm; mơnhông tơrŭm tung tŭm tơdroăng pơla Việt Nam cho pêi ahdrối tung luât pơkâ tơpui kâ dêi Rusi a kơpong châu Á - Thái Bình Dương; loi khât hneăng lăm pôu kô mơnhông tơrŭm cheăng pơla péa tơnêi têa.
Viết bình luận