Krê hnoăng mơhá tung kơvâ tơnêi châ xo lối 700 rơtal liăn. Kố cho kơlo xo vâ chê plâ hơnăm 2023. Tiô kơ koan xiâm xo hnoăng mơhá kong pơlê Dak Lak, sap apoăng hơnăm troh nôkố, liăn xo hnoăng mơhá ƀă liăn dêi kong pơlê châ 3.336 rơtal liăn, ƀă 67% tối hdrối tơnêi têa pơcháu, ƀă vâ chê 64% Hô̆i đong Kuăn pơlê kong pơlê pơcháu, tâk 12% tâng pơchông ƀă roh kố hơnăm nah.

Châ tơƀrê kố cho xua Kơ koan xiâm xo hnoăng mơhá kong pơlê hiăng thăm pêi pro mơhnhôk nâp mơ-éa ki chêh tối, séa ngăn krá tơdroăng chêh hnoăng mơhá dêi mơngế ki nâp, pơtối tơtrŏng tơdroăng riân, séa ngăn tơdroăng ngế ki nâp a phân mêm dêi kơ koan xo hnoăng mơhá, tơniăn pơkuâ, ‘nâi teăm tơdrêng mâu ngế ki nâp hnoăng mơhá.