
Pơma dơnuh hăm vă jê̆ 350 ‘nu bơngai tang măt tơ̆ Tơdrong jang tơƀơ̆p muh măt, pôk pơ ư Bơngai jang chih hla ar tơroi hơgei kơkuh chơt hơiă tơbăt 100 sơnăm Năr hla ar chih kơtơ̆ng ang kach mang Việt Nam, Phŏ Bí thư Đảng dêh char Kon Tum Nguyễn Đức Tuy roi tơbăt, kơdră đảng, kơdră chĕp kơ̆l rim tơring păng pơđĭ hloi khŭl jang chĭnh trĭ kơ dêh char tŏk bŏk tŭn pran bơ̆jang kiơ̆ proh hơmet khŭl jang păng pơjing tơdrong jang khŭl kơdră chĕp kơ̆l 2 tăl.

Hăm tơdrong tơm hơnhăk dêh char hơtŏk tơiung rơgoh, kơjăp, hrĕnh păng tôm tơdrong, Khŭl chĕp kơ̆l pơgơ̆r Anih jang Đảng dêh char ling lang lăng kăl bơngai chih kơtơ̆ng ang ‘noh jĭ khŭl jang gĭt kăl lơ̆m pơjing đon lui tơpôl, pơm tơdrong joh ayŏ, roi tơbăt ‘lơ̆ng, tơƀôh trong ăn tơpôl ‘lơ̆ng; kơdră chĕp kơ̆l dêh char gô ling lang răp mơ̆ng, vang tơgŭm, pơm tơdrong hiôk ‘lơ̆ng hloh vă hla ar chih kơtơ̆ng ang bơ̆jang kiơ̆ hơnăp jang gĭt kăl đơ̆ng kơdih.
Viết bình luận