Kơsơ̆ ‘năr 13/7, Thủ tướng Phạm Minh Chính kŭm hăm khul tang măt Quốc hội plt Cần Thơ đei jơ tơƀâp bơngai tăh hla jĭ đe kăn ƀô̆, thây kô pơtho, bơngai jang khoa hŏk păng bơngai jang tơ̆ Anih jang khoa hŏk kơmăy kơmŏk tơ̆ tơring. Tơ̆ âu, Thủ tướng pơma hơdăh tơdrong gĭt kăl đơ̆ng Hop akŏm mă 9 Quốc hội jăl XV, lơ̆m noh, Quốc hội hlôi drơ̆ng nơ̆r ăn Tơdrong tơchơ̆t hơmet ming Khôi luơ̆t tơm, pơih trong chih pơjing luơ̆t ăn Khul kơdră pơgơ̆r tơring 2 tăl.

Thủ tướng pơma hơdăh, tơdrong bơ̆jang kiơ̆ trong jang ‘nâu vang tơgop tơplih ‘nao đon tơchĕng, đơ̆ng ưh kơchăng jing kơchăng pơvih ăn kon pơlei, pơih xă anih jang tŏk, pơjing kơjă kăp gĭt păng jơhngâm pran ‘nao. Thủ tướng hơpơi ‘mĕh bơngai tăh hla, mă loi jĭ dôm bơngai jang khoa hŏk hơnơ̆ng tơgop nơ̆r, tơƀôh trong jang ăn teh đak. Hơnơ̆ng tưk tơiung jơhngâm đon pơm tơm đơ̆ng kon pơlei, anih tĕch mơdro kiơ̆ trong pơjing Teh đak chĕp kơ̆l pơgơ̆r kiơ̆ khôi luơ̆t đơ̆ng kon pơlei, yoa kon pơlei, pơvih ăn kon pơlei yoa thoi noh kon pơlei kŭm athei tơgop ăn tơdrong chih pơjing trong jang, tơdrong tơgŭm, vă dôm tơdrong tơgŭm găh mât lơ̆m tơdrong arih xa, hơnhăk ba tơdrong arih xa phĭ tơtŏ dơnŏ ‘lơ̆ng, hiôk chơt.