Hop akŏm drơ̆ng nơ̆r hăm đon pơhnŏng jang tŏk kơ Anih Radio nơ̆r pơma VN jing anih chih hla ar tơroi tơm, gơ̆h hơgei, ‘lơ̆ng hơiă; truh sơnăm 2030 jing Anih Radio bơ̆ jang pran ‘lơ̆ng tơ̆ tơring Châu Á – Thái Bình Dương păng truh sơnăm 2045 jing anih đei ư hơnhang lơ̆m apŭng plenh teh.

Pơma pơtôch hop akŏm, Bí thư Đảng, Kơdră chĕp kơ̆l Radio nơ̆r pơma VN, ƀok Đỗ Tiến Sỹ pơma hơdăh hơnăp jang đơ̆ng Đảng lơ̆m trong atŏk tơiung Radio nơ̆r lơ̆m chăl tơplih hăm kơmăy sô̆. Hop akŏm tơlĕch trong tơplih ‘nao tôm tơdrong, hơtŏk hla ar tơroi lơ̆m lơ kơmăy kơmŏk, hăm Radio pơre nơ̆r ‘nŏh tơm dơnơm. Atŭm hăm ‘nŏh hơnơ̆ng pơm hơtŏk đon rơgei mưh chĕp kơ̆l pơgơ̆r, atŏk tơiung Anih jang Đảng pran kơjăp vă pơm lăp hăm tơdrong ‘mĕh vă jang tŏk kơ teh đak păng chăl ‘nao.