Lơ̆m 5 sơnăm âu ki, anih hlôi chih, pơih pơre vă jê̆ 12.000 tơdrong kơtơ̆ng ang, ƀai chih lơ̆m Radio nơ̆r TNVN păng dôm tơdrong tơroi hăm nơ̆r kon kông tơ̆ tơring. Bí thư Đảng, Kơdră chĕp kơ̆l ƀok Lê Hải Sơn pơma hơdăh, anih jang hơnơ̆ng năng tơdrong tơroi hăm nơ̆r kon kông jĭ tơdrong jang tơm, tôch gĭt kăl, hơnhăk nơ̆r pơma đơ̆ng Đảng, Teh đak truh hăm hlŏh 2 triu ‘nu kon pơlei Tây Nguyên păng tơring jŭm dăr.

Pơma nơ̆r pơtho tơ̆ Hop akŏm, ƀok Nguyễn Văn Chí, Phó Bí thư vei lăng Đảng kơ Anih Radio nơ̆r pơma Việt Nam athei anih jang hơmet bơngai jang mă lăp đơ̆ng rŏng kơ tơmât hơdai tơring; tơplih ‘nao trong roi tơbăt ăn kon pơlei kon kông; hơtŏk tơdrong iŏk yoa khoa hŏk kơmăy kơmŏk lơ̆m tơdrong jang, năm truh chăl jang “Hla ar tơroi ‘nao, vei lăng rơgei, jang kiơ̆ ki thuơ̆t sô̆”.