Iung pơma tơ̆ jơ tơƀơ̆p muh măt, Kơ iĕng Kơdră chĕp pơgơ̆r Teh đak Võ Thị Ánh Xuân tơbăt, ‘nou tơpă jing dôm bơngai ‘lơ̆ng, tơdrong jang ‘lơ̆ng, dôm bơngai yŭk trong hơlou lơ̆m vang tơ iung pơjing tơpôl ‘mêm kơ eng dih băl, dôm bơngai oei sa ‘lơ̆ng rŏ hơbŏ nhen hloh. Kơ iĕng Kơdră chĕp pơgơ̆r teh đak hơpơi ‘meh vă rim bơngai tang măt atŭm hăm kơ triu ‘nu bơngai vang plang ăn pham lơ̆m teh đak gô hơnơ̆ng iung jang kiơ̆ kơjăp jơhngơ̆m đon ‘mêm kơ eng dih băl, tơdrong joăt joe ‘lơ̆ng liĕm kơ hơdrĕch hơdrung, plang ăn kơtoh pham kơdih kơ yuơ kon pơlei pơla, tơpôl; adoi jing dôm bơngai tơm dơnơm hloh tơ̆ tơring, hơnih bơ̆ jang, lang să trong pơrô̆ pơrôp, hơvơn dơ̆ng lơ bơngai, ŭnh hnam, kơtum kơtŏng ‘nhŏng oh vang plang ăn pham, tơgop ‘lơ̆ng hơ iă ăn tơdrong jang vei lăng năng tông jơhngơ̆m pran jăng grăng akou kơ kon pơlei pơla.