

Tơ̆ pơma đam, ƀar ‘nu Kơdră chĕp pơgơ̆r tơbăt jơhngơ̆m chơt hơ iă tơ̆ hơnăp tơdrong atŏk tơ iung kơtang păng ‘lơ̆ng liĕm kơ tơgoăt tơgoăl jang hơdoi dih băl. Ƀok Kơdră tơm Donald Trump hôn bơnê kơtang tơdrong Việt Nam pơkăp ‘măn tơdrong ‘lơ̆ng hơ iă tĕch mơdro kơ tơmam drăm Hoa Kỳ, lơ̆m ou đei Ôtô phân khô̆i tih. Ƀok sơkơ̆t hơdăh Hoa Kỳ gô kăt tơjur kon jên thuê̆ ăn lơ tơmam drăm Việt Nam tĕch mơdro tơ̆ teh đak ou păng gô hơnơ̆ng iung jang hơdoi hăm Việt Nam lơ̆m xek tơlang dôm tơdrong tơhlăk tơhlĭn đei ƀơm truh tơdrong tơgoăt tơgoăl mơdro sa ƀar păh, mă kăl lơ̆m rim tơdrong mă ƀar păh tơlĕch jang kơtang. Tổng Bí thư Tô Lâm athei păh Hoa Kỳ hrôih drơ̆ng Việt Nam jĭ mŭk drăm mơdro sa păng xut hŭt găn ga tơdrong tĕch mơdro dôm tơmam drăm kmăi kmŏk hơgei. Tổng Bí thư Tô Lâm hăm ƀok Kơdră tơm Donald Trump jei hlôi pơma dơnuh mĭnh ƀar trong vă iung jang, trong jang tih pơtrŭt kơtang tơgoăt tơgoăl Jang hơdoi gĭt kăl lơ̆m dôm sơnăm kơnh.
Viết bình luận