Việt Nam hơtŏk jang hơdoi lơ tơdrong hăm Senegal
Thứ sáu, 10:17, 25/07/2025
Lan chih tơblơ̆
Lan chih tơblơ̆
VOV.Bahnar – Lơ̆m 'măng năm tơmang teh đak Senegal, Kơdră Kuôk hô̆i Trần Thanh Mẫn hlôi pơma đam hăm Kơdră teh đak Senegal Bassirou Diomaye Faye tơ̆ Anih jang Kơdră teh đak. Kơdră Kuôk hô̆i sơkơ̆t hơdah Việt Nam lăng tơgĭt lơ̆m hơtŏk jang tơbôl lơ tơdrong hăm Senegal, mă kăl noh lơ̆m tơdrong jang mŭk drăm, tĕch pơdro, asong jang, choh jang xa, jang viên thŏng păng khua hŏk – kŏng ngê̆.
Kơdră Kuôk hô̆i ăn tơbăt, lơ anih jang pran kơ Việt Nam tŏk bŏk oei chơ chă hơlen trong hiôk asong jang tơ̆ Senegal.
Vă tơgŭm tơnăp lơ̆m tơdrong jang hơdoi, Kơdră Kuôk hô̆i pơtruh nơ̆r, 2 pah dah hrôih keh đang pơkăp khôi luơ̆t, tơ̆ hơnăp noh dah tenh pơma đam dôm tơchơ̆t jang hơdoi dơnơm nhen Tơchơ̆t Vei vêr asong jang păng Tơchơ̆t tang găn iŏk thuê̆ 2 'măng, chih akŏm luơ̆t sơđơ̆ng ăn anih jang mŭk drăm 2 teh đak.
Viết bình luận