Tơ̆ pơma dơnuh, Tổng Bí thư Tô Lâm lui akhan Hàn Quốc gô hơnơ̆ng atŏk tơ iung kơtang, iŏk đei jơnei tih tên hloh dơ̆ng, roi năr roi pơm hơtŏk hơnih dơ̆ng tơ̆ tơring păng apŭng plĕnh teh, lơ̆m ou, Kuô̆k hô̆i Hàn Quốc iung jang kiơ̆ ‘lơ̆ng hơnăp jang gĭt kăl kơ hơnih tơm bơ̆ jang pơjing khôi luơ̆t. Tổng Bí thư Tô Lâm athei ƀar păh jang hơdoi kơjăp tơlĕch jang kiơ̆ jơnei rim trong jang hơdoi dih băl păng lơ pang nhen hơnơ̆ng plôih ‘măng hloh dơ̆ng ăn tơmam drăm Việt Nam tĕch tơmơ̆t lơ̆m Hàn Quốc. Ƀar păh jei hlôi pơma dơnuh găh rim tơdrong lơ̆m tơring păng lơ̆m apŭng plĕnh teh mă ƀar păh lăng truh păng tơgŭm djru dih băl tơ̆ rim ‘măng pơgơ̆r hop akŏm lơ pang, lơ̆m ou đei Jơnŭm atŭm Nghĭ viê̆n apŭng plĕnh teh (IPU), Khul jang Nghĭ viê̆n rim teh đak Châu Á kơ yuơ rơngei hiôk hian (AAPP); drơ̆ng mĭnh nơr atŏk kơtang jang hơdoi ƀar păh rim đảng tơm tơ̆ châu Á.