Jăl jang ou ki, Đảng ƀô̆ Kŏng ang dêh char Đăk Lăk hơnơ̆ng tơplih 'nao gah tơdrong pơgơ̆r jang đei jơnei hloh kơ dôm tơdrong tơchơ̆t tơlĕch. Kiơ̆ kơ noh, vei sơđơ̆ng tơpôl lơ̆m tơring kơ jơ̆p dêh char. Kŏng ang dêh char Đăk Lăk hlôi jang đei jơnei Tơchơ̆t jang 06 pơjing Anih răk dư lĭu teh đak gah tơring kon pơlei oei xa, asong kăng kươk kon pơlei chô̆ chip jang đei jơnei; yuk hơlou vang jang Tơdrong jang sut lê̆ hnam pơgia – hnam hyah hyok; 100% anih jang đảng hlăng 'lơ̆ng, pran kơtang.

Thiếu tướng Phan Thanh Tám, Ƀĭ thư Đảng uy, Kơdră Kŏng ang dêh char Đăk Lăk ăn tơbăt, đơ̆ng rŏng kơ hop akŏm, tôm khul jang gô akŏm kơtă dôm sơnong jang tơm vă pơm jang đei jơnei Tơchơ̆t Hop akŏm hlôi tơlĕch. Pơtoi vei sơđơ̆ng tơpôl lơ̆m rim tơdrong, pơjing khul Kŏng ang Đăk Lăk hlăng 'lơ̆ng kơjăp kơtang tôm tơdrong, hơbĕch hơbal, gơh hơgei, tơguăt hăm kon pơlei, păng tơgĭt yom kơ kon pơlei.