Hăm hơnăn “Tơplih ‘nao trong chĕp pơgơ̆r; kiơ̆ yok jơhngơ̆m pran tơgoăt mĭnh nơ̆r, hơnăp jang, sơnong jang pơm jŭk; tơ iung pơjing Đảng ƀô̆ rim hơnih bơ̆ jang Đảng dêh char rơgoh ‘lơ̆ng, pran kơjăp”, Hop akom tih kăl jang 2025-2030, Đảng ƀô̆ tơlĕch ăn trong jang kiơ̆ jơnei rim Tơdrong tơchơ̆t kăl kơ Hơnih tơm Chinh trĭ. Hop akŏm pơdrơ̆ng kiơ̆ Tơdrong tơchơ̆t đơ̆ng Khul kơdră chĕp pơgơ̆r Đảng dêh char Gia Lai, tơchơ̆t hơdăh Khul kơdră chĕp pơgơ̆r Đảng ƀô̆ rim hơnih bơ̆ jang Đảng dêh char jăl jang 2025 -2030 đei 17 ‘nu; Khul kơdră tơm chĕp pơgơ̆r Đảng uỷ rim hơnih bơ̆ jang Đảng dêh char đei 9 ‘nu. Ƀok Rah Lan Chung - Kơ iĕng Ƀĭ thư Đảng dêh char, Kơdră chĕp pơgơ̆r Jơnŭm vei lăng kon pơlei dêh char iok jang Bí thư Đảng ủy rim hơnih Đảng dêh char jăl jang 2025-2030.