Hop akŏm hlôi tơmơ̆ng tơroi pơtruh đơ̆ng dôm tơring lơ̆m tơdrong jang tơdrong jang kon kông, dôm tơdrong khop ah pơm kiơ̆ pơkăp jơnŭm pơgơ̆r tơring 2 tăl.

Kiơ̆ kơ noh, lơ nơ̆r tơgop hăm Anih tơm jang gah Kon kông păng dôm Tơdrong khop dah hrôih tơgŭm hăm Jơnŭm pơgơ̆r teh đak hơmet dôm tơchơ̆t tŏk bŏk oei jang vă trŏ hăm jơnŭm pơgơ̆r tơring 2 tăl nhen: Tơchơ̆t hăm bơngai đei kon pơlei lui yom lơ̆m tơring kon kông; Tơchơ̆t asong jang, pơyua ăn tơpôl tơ̆ tơring kon kông păng groi kông; tơbang tơtom dôm hla bar pơtơm jang mă hơdah, drơ̆ng minh vă pơklaih dôm tơdrong oei tơhlăk tăk lơ̆m tơdrong jang kiơ̆ pơkăp đơ̆ng khôi luơ̆t teh đak tơrĕk truh tơdrong jang kon kông păng dôm tơdrong khop.