Tơ̆ jơ sơng, Thủ tướng lui ngeh hăm tơdrong hlôh vao jang hơdoi đơ̆ng Qualcomm hăm Việt Nam lơ̆m khei năr ou ki, 2 pah gô đei iŏk jơnei lơ hloh kơlih anih jang viê̆n thŏng, trong nơnăm, unh hơyuh kơ Việt Nam hlôi hơtŏk kơtang. Việt Nam tŏk bŏk jang khŏm mă tơplih 'nao; tơplih đon tơchĕng, lăng tơgĭt khei năr păng kơ̆l 'ngok hơgei, tơlĕch jang trŏ trong.

Hăm tơdrong vang jang hơdoi đơ̆ng Qualcomm, Thủ tướng lui ngeh dôm anih jang nhen VNPT, Viettel, Vingroup gô hơtŏk dôm anih jang hơlen păng hơtŏk, anih pơtơm pơm jang gơh hơgei. Hơpơi 'meh Qualcomm iŏk yua dôm tơdrong pran đơ̆ng Việt Nam, tơgŭm Việt Nam hơtŏk dôm tơdrong jang kơmăi kơmŏk 'nao hơgei.