‘Nâu jĭ 1 lơ̆m dôm xăh mă blŭng kơ dêh char Đắk Lắk pơgơ̆r Hop akŏm đơ̆ng rŏng kơ Hơmet ming anih jang păng pơjing Khul kơdră pơgơ̆r tơring 2 tăl. Xăh Hòa Phú đei pơjing đơ̆ng tơmât hơdai 3 xăh Hòa Phú, Hòa Khánh, Hòa Xuân, hăm vă jê̆ 50.000 ‘nu kon pơlei.

Lơ̆m jăl jang ‘nao, Đảng ƀô̆ xăh chih hơdăh, tơplih ming trong jang mŭk drăm kiơ̆ trong jang hăm kơmăy kơmŏk – ming man- pơvih pơvăn; atŏk tơiung choh jang xa hăm kơmăy kơmŏk ‘nao, tơjur ƀiơ̆ tơdrong gơnang yoa đơ̆ng jên tơlĕch jang kơ tĕh đak, năm truh tơdrong hơmet kơdih jên jang păng vang tơgop ‘lơ̆ng ăn dêh char. Hơtŏk tơdrong ‘lơ̆ng đơ̆ng ‘măng jang mât lĕch tơ̆ găh Pơbăh dêh char, Hòa Phú vă pơ ‘nhŏ jên pơm trong, man anih logistics, atŏk tơiung kơmăy kơmŏk pơm tơmam đơ̆ng choh jang xa păng chă tơmang lăng tơ̆ bri brăh, adrin jang tŏk jing tơring kơdrâm jang kơmăy kơmŏk ‘nao ‘lơ̆ng lơ̆m sơnăm 2035.