Lăp đơ̆ng rŏng kơ truh tơ̆ cham gre păr, Kơdră Quốc hội Trần Thanh Mẫn păng Kơdră Hạ viện Ma-rốc Talbi El Alami hlôi đei jơ tơƀâp iĕ hloi. Tơchĕng hơdrol lơ̆m ‘măng năm ngôi âu, Kơdră Quốc hội Trần Thanh Mẫn đei lơ ‘măng tơƀâp, pơma nuh hăm kơdră chĕp kơ̆l teh đak Ma-rốc;

Nhen: pơma nuh hăm Kơdră Thượng viện Ma-rốc; pơma đam hăm Kơdră Hạ viện Ma-rốc Talbi El Alami; kĭ pơkăp tơdrong drơ̆ng nơ̆r jang hơdoi đơ̆ng Quốc hội Việt Nam păng Hạ viện Ma - rốc; truh pơma đam găh luơ̆t vă hơtŏk tơdrong jang hơdoi mŭk drăm, tĕch mơdro păng tơmât jên jang đơ̆ng Việt Nam - Ma-rốc; sơng Kơdră Grŭp ngĭ si jang tơbôl Ma-rốc - Việt Nam, Kơdră Khul jang tơbôl Ma-rốc - Việt Nam; năm ngôi, tơƀâp kăn ƀô̆, bơngai jang tơ̆ Anih tang măt păng tơpôl kon pơlei Việt Nam tơ̆ Ma-rốc.