Năm akŏm Pơma đam oei đei hloh 500 'nu tang măt ăn dôm anih jang mŭk drăm hơgei kơ 2 teh đak. Pơma đam ưh hơdrô̆ jĭ tơdrong tơguăt dôm anih jang mŭk drăm mă oei jing sơnong kăp gĭt lơ̆m hơtŏk jang hơdoi gah mŭk drăm, tĕch pơdro păng asong jang 2 pah. Iung pơma ah 'măng Pơma đam, Tổng Bí thư Tô Lâm tơroi gah mŭk drăm – tơpôl Việt Nam sơnăm 2024 păng 6 khei blŭng sơnăm 2025 đei jơnei kăp gĭt; ră hơdah sơnăm 2025 ưh hơdrô̆ jing sơnăm “pơhơtŏk, kơrŭn iung jang” vă keh đang dôm tơchơ̆t hơtŏk tơ-iung kơ jăl jang 2021 - 2025 mă oei jing sơnong pơtơm kăp gĭt păng akŏm jơhngơ̆m pran vă pơm jang đei jơnei 2 tơchơ̆t jang 100 sơnăm, hơ-'nhăk teh đak yak ah anglŏ sơnăm 'nao – chăl anglŏ sơnăm hơtŏk tơ-iung pơdrŏng, pran kơtang, gơh hơgei, jơnap đơ̆ng kon pơlei.

Gah jang hơdoi, hơvơn asong jang đơ̆ng teh đak đe, Việt Nam tơplih đơ̆ng đon tơchĕng “hơvơn kiơ̆ pơsă tơring” jing “hơvơn jang kiơ̆ kơjăp” đei chă rơih, asong ăn dôm tơdrong jang trong 'nao gơh hơgei, kơmăi kơmŏk kơsô̆, rơgoh 'lơ̆ng, jang kiơ̆ trong hơtŏk kơjă tơmam drăm, pơlan să tơroh dôm tơmam drăm đei pơm tơlĕch tĕch lơ̆m apŭng plenh teh.