Jăl jang 2025 - 2030, phương Pleiku tơlĕch trong jang tơ iung pơjing Đang ƀô̆ păng khul jang chinh trĭ rơgoh ‘lơ̆ng, pran kơtang, hơmet pơ ‘lơ̆ng tơhlăk tơhlĭn, pơchoh trong atŏk tơ iung, hơdrin iŏk đei tŏk mŭk drăm 13,3% lơ̆m sơnăm, jang kmăi kmŏk-tơ iung pơjing ming man păng tĕch mơdro ‘noh jing tơdrong jang kăl hloh ăn tŏk mŭk drăm. Iung pơma pơrô̆ tơ̆ Hop akŏm, ƀok Nguyễn Trọng Nghĩa-Kơdră chĕp pơgơ̆r Hơnih bơ̆ jang Pơtho tơbăt păng Pơrô̆ pơrôp Trung ương pơma hơdăh: Bơ̆n kăl iung jang kiơ̆ kơjăp kơtang dôm tơdrong đei tih tên kơ dêh char Gia Lai hle păng kơ phương Pleiku. Đơ̆ng noh pơm hơtŏk jơhngơ̆m đon hơpơi ‘meh vă tơplih ‘nao, tơchăr, adoi atŏk tơ iung kơjăp ‘lơ̆ng kiơ̆ trong hlôi tơlĕch ăn, vă pơm lơ liơ tơ iung pơjing phương Pleiku jing phương tơm hloh, yŭk trong hơlou kơ dêh char Gia Lai, jĭ phương atŏk tơ iung rơgoh ‘lơ̆ng, gơh hơgei păng oei sa ‘lơ̆ng rŏ.