Hăm trong tơlĕch jang: Pôm nơ̆r ƀơ̆r đon-Hơtŏ hơnơ̆ng-Tơpăt-Tŏk kơtang-atŏk tơ iung, jăl jang 2025-2030 Hop akom tih tơlĕch ăn trong jang ‘noh: Tơ iung pơjing Đang ƀô̆ Học viện rơgoh ‘lơ̆ng, pran kơtang tôm tong, tơgoăt tơgoăl, yŭk trong hơlou, hơtŏ hơnơ̆ng, tơpăt, tŏk kơtang, atŏk tơ iung, jang keh đang rim tơdrong jang truh sơnăm 2030; chĕp pơgơ̆r atŏk tơ iung Học viện jing hơnih yŭk trong hơlou lơ̆m pơtho pơhrăm, pơtho ming kang ƀô̆, hơnih tơm teh đak găh chă tơchĕng hơlen chủ nghĩa Mác - Lênin păng Jơhngơ̆m đon Hồ Chí Minh. Vă Đảng bộ Học viện chĕp pơgơr iung jang keh đang ‘lơ̆ng tơdrong jang lơ̆m jăl kơnh, Bí thư Đảng ủy rim hơnih bơ̆ jang Đảng Trung ương Trần Cẩm Tú athei: Hơnơ̆ng lăng kơjăp tơ iung pơjing Đảng ƀô̆ Học viện tơpă rơgoh ‘lơ̆ng, pran kơtang, jĭ Đang ƀô̆ gơh hơgei, yŭk trong hơlou lơ̆m Đang ƀô̆ rim hơnih bơ̆ jang Đảng Trung ương; Vei lăng năng tông tơ iung pơjing khul kang ƀô̆, đang viên, ƀok thây kô pơtho tơpă pơm jŭk yŭk trong hơlou găh rim tơdrong, bơ̆ jang gơh hơgei hloh dơ̆ng, kĕ bơ̆ jang lơ̆m khei ‘năr vang mơ̆t hơdoi apŭng plĕnh teh.