Lơ̆m 124 anih jang hanh chinh tơ̆ xah kơ dêh char Lâm Đồng đei 113 anih jang chih măt asong bơngai jang, phŏ đei anih jang kăl truh 12 kang ƀô̆. Lơ̆m kơsô̆ hloh 400 kang ƀô̆ mă dêh char kơchĕng gô pơtruh tơgŭm jang ăn kơ xah, đei 93 kang ƀô̆ juăt jang gah kŏng ngê̆ thŏng tin; 68 kang ƀô̆ jang mŭk drăm cham char; 42 kê̆ toan; 35 kang ƀô̆ jang gah ming man păng 34 kang ƀô̆ jang tư phap – hô̆ tĭch... atŭm hăm kang ƀô̆ juăt jang lơ̆m dôm tơdrong jang nai.

Tơdrong pơtruh bơngai jang đơ̆ng dêh char tơgŭm jang ăn xah đei pơkăp jang, kơlih đơ̆ng rŏng 1 khei pơtơm pơm kiơ̆ pơkăp jơnŭm pơgơ̆r 2 tăl, lơ xah phương lơ̆m dêh char ưh kơ mah bơngai juăt jang. Minh ƀar anih jang tơ̆ apŭng so đei pơtruh pơm jang tơ̆ xah noh ưh đei hơtŏ, đei anih jang ưh kơ mah bơngai jang, đei anih jang rơkah bơngai jang. Đei anih jang kang ƀô̆ juăt jang tam mă jang tơnăp sơnong jang đei pơjao.