Pơma ah jơ lêh, Đại tướng Lương Tam Quang, Ƀô̆ trương Anih tơm Kŏng ang ăn tơbăt: Anih tơm Hà Nội jĭ anih dơnơm chinh trĭ - hanh chinh kơ teh đak, anih tơm pran gah mŭk drăm, joh ayŏ, jang tơbôl kơ teh đak, đei anih dơ̆ng kăp gĭt lơ̆m tơdrong hơtŏk tơ-iung kơ kon pơlei... Lơ̆m 80 sơnăm tơ-iung pơjing păng hơtŏk Anih tơm đơ̆ng pơyan hla ruih kăch mang sơnăm 1945 truh dang ei, Kŏng ang pơlei tơm Hà Nội hlôi tơgop sơnong jang kăp gĭt, pơm jang đei lơ jơnei lơ̆m tơdrong vei sơđơ̆ng tơpôl teh đak.

Đại tướng Lương Tam Quang pôk bơnê kơ dôm tơdrong jang đei jơnei kăp gĭt đơ̆ng Kŏng ang Anih tơm păng ră hơdah tơdrong kăp gĭt kơ sơnong jang vei lăng sơđơ̆ng tơpôl lơ̆m khei năr apŭng plenh teh đei ƀôh lơ tơsŭl tơsăl.