Pơma tơ̆ hop akŏm, Thủ tướng Phạm Minh Chính pơma hơdăh: Sơnăm 2025 tôch gĭt kăl, jĭ sơnăm vă jang tŏk, khŏm jang kĕh, bơ̆ jang đei dôm trong jang atŏk tơiung mŭk drăm, tơpôl 5 sơnăm 2021-2025; jơ̆p lơ̆m teh đak oei adrin tôch ai, khŏm jang đang ‘lơ̆ng dôm tơdrong hơgăt atŏk tơiung mŭk drăm, tơpôl sơnăm 2025, mă loi ‘nŏh jang tŏk lơ̆m sơnăm đei 8% tŏk tơ̆ kơpal; atŭm hăm ‘nŏh akŏm jơhngâm pơjei băl bơ̆ jang ‘lơ̆ng dôm tơdrong jang đei pơjao vă hơiă kơ 80 sơnăm pơjing teh đak; hơiă kơ Hop akŏm Đảng ƀô̆ jơ̆p tơring, năm truh Hop akŏm Đảng lơ̆m teh đak 'măng mă 14.

Thủ tướng pơma akhan, khei 'năr đơ̆ng dang ei truh 'năr 31/12/2025 oei pă 05 khei đĕch, tơdrong jang oei tôch lơ, kơplăh 'nŏh nơ̆r athei đei tơlĕch 'nŏh jĭ anih jang, trong nơnăm hơdrol vă pơih trong, pơjing tơdrong 'lơ̆ng ăn dôm anih jang, tơring tơrang jang tŏk, pơjing jơhngâm pran 'nao ăn teh đak, pơih đei anih jang tŏk 'nao, hơtŏk kơsư̆k pơjei ăn tơmam lơ̆m teh đak păng lơ̆m apŭng plenh teh.