Pơma tơ̆ jơ tơƀâp, Thủ tướng Phạm Minh Chính pơma hơdăh: Lơ̆m khei ‘năr pơgơ̆r hơmet ming, kăt tơjur bơngai jang đơ̆ng teh đak Việt Nam đei bơ̆jang tơpăt ‘lơ̆ng, hrơ̆ch đơ̆ng Trung ương truh tơ̆ tơring. Hơdai hăm hơmet ming khul kơdră pơgơ̆r roi ‘lơ̆ng, Việt Nam oei tơlĕch đon pơhnŏng kăt tơjur bơngai jang, hơmet ming khul jang mă lăp păng hơtŏk tơdrong ‘lơ̆ng, rơgei đơ̆ng khul kăn ƀô̆, bơngai jang kơ teh đak. 

Tơdrong hơmet ming đei pơgơ̆r tơpăt ‘lơ̆ng, rơđăh rơđong, đei kon pơlei lăp đon tơgŭm – dôm bơngai đei xa yoa tơpăt đơ̆ng tơdrong hơmet ming âu. Mă lei kăl hlŏh jĭ jơhngâm đon adrin yak tŏk đơ̆ng kơdih –pơ̆n tơchĕng, pơ̆n tơplih vă năm truh ning mônh kơnh roi ‘lơ̆ng hơiă ƀiơ̆.