Lơ̆m 'măng năm tơmang, Thủ tướng Phạm Minh Chính đei lơ tơdrong akŏm pơma đam hăm đe Kơdră kơpal kơ teh đak Thuỵ Điển, sơng pơma dơnuh hăm minh ƀar anih jang mŭk drăm Thụy Điển tŏk bŏk oei asong pơm jang tơ̆ Việt Nam, tơƀơ̆p minh ƀar bơngai jang hơlen akŏm, bơngai juăt jang vă tơroi kơ dôm tơchơ̆t jang tih đơ̆ng Jơnŭm pơgơ̆r teh đak Việt Nam, tơƀơ̆p păng pơma dơnuh hăm kon pơlei Việt Nam tơ̆ Thụy Điển.

Ƀar pah gô akŏm pơma đam dôm trong hơtŏk jang tơbôl lang să păng tôm tơdrong gah chinh trĭ - jang tơbôl, mŭk drăm – tĕch pơdro – asong jang, khua hŏk – kŏng ngê̆, tơplih 'nao gơh hơgei, tơplih kơmăi kơsô̆, pơtho pơhrăm, joh ayŏ - tơplŏng kơdou – tơmang pơhiơ̆, hơtŏk tơ-iung kơjăp sơđơ̆ng păng hơtŏk hơpeh hơpong kon pơlei, tơgop kơhret kơjăp hloh dơ̆ng dôm tơdrong jang hơdai hlôi đei, iŏk jang lơ mŭk drăm jang hơdoi hlôi đei, pơih tơlĕch dôm trong jang 'nao hiôk hian ăn tơdrong jang hơdoi 2 pah.