

Lơ̆m 4 năr tơ̆ Phalăng, Thủ tướng Phạm Minh Chính hlôi vang hop akŏm kơ Hop akom tih Kơdră kơpal găh đak dơsĭ kơ Liên hợp quốc. Thủ tướng đei nơ̆r iung pơma gĭt kăl tang măt ăn Jơnŭm rim teh đak Đông Nam Á (ASEAN), adoi tơbăt hơdăh trong bơ̆ jang kơ Việt Nam găh vei lăng păng iŏk yua kơjăp ‘lơ̆ng đak dơsĭ păng mŭk drăm lơ̆m đak dơsĭ. Thủ tướng hlôi pơma dơnuh hăm Ƀok Kơdră tơm Phalăng Emmanuel Macron; Pơma đam hăm Thủ tướng Phalăng Francois Bayrou; Pơma dơnuh hăm Kơdră chĕp pơgơ̆r Thượng viện Gérard Larcher, Kơdră chĕp pơgơ̆r Kuô̆k hô̆i Phalăng Yael Braun-Pivet. Pơtôch gĭt kăl ‘măng năm tơmang ou ‘noh 2 păh hlôi kĭ pơkăp păng pơjao dih băl Hla bơar ƀlŏk hơdơ̆r găh vei lăng kơjăp ‘lơ̆ng mŭk drăm lơ̆m teh păng ŭnh hơyuh.
Viết bình luận