Thủ tướng Phạm Minh Chính vang năm Hop akom Kơdră kơpal găh đak dơsĭ kơ LHQ
Thứ ba, 10:08, 10/06/2025 VOV/Amazưt tơblơ̆ VOV/Amazưt tơblơ̆
VOV4.Bahnar - Thủ tướng Teh đak krao hơvơn tơpôl apŭng plĕnh teh kăl iung jang tĕnh koăng hloh, kơtang hloh dơ̆ng păng kăl vang iung jang đơ̆ng rim teh đak păng apŭng plĕnh teh lơ̆m vei lăng năng tông păng iŏk yoa kơjăp ‘lơ̆ng đak dơsĭ jơk ƀlĭk.

 

Tơ̆ hop akŏm tơpôl kơ Hop akom Kơdră kơpal găh đak dơsĭ kơ Liên hợp quốc ‘măng mă 3 (UNOC 3), đei pơgơ̆r tơ̆ Phalăng, Thủ tướng Teh đak Phạm Minh Chính hlôi iung pơma gĭt kăl tang măt ăn 10 teh đak Khul rim teh đak Đông Nam Á (ASEAN), adoi tơroi tơbăt trong bơ̆ jang kơ Việt Nam găh vei lăng năng tông kơjăp ‘lơ̆ng đak dơsĭ păng mŭk drăm đak dơsĭ. Thủ tướng Teh đak krao hơvơn tơpôl apŭng plĕnh teh kăl iung jang tĕnh koăng hloh, kơtang hloh dơ̆ng păng kăl vang iung jang đơ̆ng rim teh đak păng apŭng plĕnh teh lơ̆m vei lăng năng tông păng iŏk yoa kơjăp ‘lơ̆ng đak dơsĭ jơk ƀlĭk. Thủ tướng tơlech ăn 4 tơdrong jang tơm ‘noh: Vei kơjăp rơngei hiôk hian, jang hơdoi tơ̆ đak dơsĭ; pơtrŭt kơtang vei lăng kơjăp ‘lơ̆ng; lăng đak dơsĭ ‘noh jơhngơ̆m pran ăn atŏk tơ iung; păng atŏk kơtang jang hơdoi lơ̆m plei teh ăn trong bơ̆ jang atŏk tơ iung kơjăp ‘lơ̆ng. Ƀok jei sơkơ̆t hơdăh găh tơdrong kăl kơ Tơdrong tơchơ̆t Liên Hợp Quốc găh Khôi luơ̆t đak dơsĭ sơnăm 1982 nhen tơdrong pơkăp kăl vei lăng đak dơsĭ. Thủ tướng tơlĕch ăn dôm trong pơchoh ăn: jang hơdoi tơdrong jang khoa hoưk hăm tơdrong jang yan ou đơ̆ng sơ̆ ki, pơtrŭt kơtang jang kmăi kmŏk păng tơplih kơsô̆, atŏk kơtang tơdrong jang mŭk drăm đak dơsĭ, iung jang hơdoi lơ tơdrong jang, tơgoăt dih băl rim teh đak păng atŏk kơtang jang hơdoi apŭng plĕnh teh. Việt Nam pơkăp iung jang kơtang hloh, tôm tong hloh vă jang kiơ̆ trong tơlĕch jang, hăm “3 tơdrong tơm”: tơlĕch jang trong bơ̆ jang atŏk tơ iung mŭk drăm đak dơsĭ rơgoh ‘lơ̆ng, atok kơtang jang hơdoi lơ̆m plei teh păng yŭk trong hơlou lơ̆m rim trong tơchăr vei lăng năng tông đak dơsĭ.  

VOV/Amazưt tơblơ̆

Viết bình luận

TIN CÙNG CHUYÊN MỤC

Video

Gơyut ayong mơng hlâo
Mồ côi
02/07/2025
Tanh bĕ ayong dăm jŭ
20/06/2025
Đón khách
18/06/2025