
Thủ tướng hmach bơnê kơ tơdrong tơgŭm đơ̆ng JBIC lơ̆m tơdrong mă Nhật Bản hơtŏk asong jang tơ̆ Việt Nam, mă kăl noh jên asong tŏk iŏk hloh 800 triu đôlar ăn tơdrong jang hơtŏk hơyuh soh Lô B (minh hơlŭng đei hơyuh soh lơ̆m teh tơ̆ Việt Nam, oei tơ̆ tơring Pơmơ̆t Pơbah). Thủ tướng pơtruh nơ̆r hăm JBIC pơtoi tơgŭm jên tŏk iŏk ăn hơnih jang mŭk drăm Nhật pơtơm ăn 15 tơdrong jang tơplih jơk tơ̆ Việt Nam, đei jên asong jang hloh 20 tih đôlar kiơ̆ pơkăp jang AZEC.

Kơdră JBIC sơkơ̆t hơdah, kơchăng tơgŭm jên hu, yak hơdoi hăm Việt Nam lơ̆m hơtŏk hơnih jang, tơring kơdrơ̆m tơguăt hăm trong nơnăm păng tơplih jơk. Hăm tơdrong tơbôl 'lơ̆ng rŏ kơ 2 teh đak păng pơkăp pran kơtang đơ̆ng đe kơdră kơpal, JBIC hơpơi 'meh pơtoi jang hơdoi đunh đai hloh, đei jơnei tơnăp hăm Việt Nam lơ̆m lơ tơdrong jang.
Viết bình luận