Tơlĕch jang pơm trong gre kơdâu hrĕnh Bảo Lộc – Liên Khương
Thứ hai, 11:27, 30/06/2025 VOV/Dơ̆ng tơblơ̆ VOV/Dơ̆ng tơblơ̆
VOV4.Bahnar - Pơgê 29/6, tơ̆ xăh N’Thol Hạ, apŭng Đức Trọng, Anih vei lăng kon pơlei dêh char Lâm Đồng, Phó Thủ tướng Nguyễn Hòa Bình truh pơm lêh tơlĕch tơdrong jang pơm trong gre kơdâu hrĕnh Bảo Lộc – Liên Khương (jăl 1).

Tơdrong jang jĭ jăl mă hơtuch kơ trong gre kơdâu hrĕnh Dầu Giây – Liên Khương, tơƀưh plt HCM – Đồng Nai – Bảo Lộc – Đà Lạt kơjung vă jê̆ 74km, akŏm đĭ đăng jên tơmât jang jăl 1 hlŏh 17.700 ti, khei ‘năr bơ̆ jang dang 30 khei. Đơ̆ng rŏng kơ pơm đang, trong gre kơdâu hrĕnh gô đei tơmât yoa, thu jên yak vih vât lơ̆m 19 sơnăm 10 khei.

Pơma tơ̆ jơ pơm lêh tơlĕch jang, Phó Thủ tướng Nguyễn Hòa Bình akhan, tơdrong jang gô tơgop hơmet pơ ‘lơ̆ng đei tơdrong hrăt hrot gre kơdâu tơ̆ trong gre 20, tưk tơiung tơring kơdrâm, logistics, choh jang xa hăm kơmăy kơmŏk ‘nao păng chă tơmang lăng ‘lơ̆ng ăn Lâm Đồng; athei tơring chih hơdăh ‘nâu jĭ tơdrong jang chinh trĭ tơm, hơtŏk hrĕnh tơdrong chưk pơ ‘ngoăih hlŏh 600 ha teh vă pơm trong, pơm ‘lơ̆ng ăn tơdrong pơjing anih oei xa ‘nao ‘lơ̆ng ƀiơ̆ ăn kon pơlei đei ƀơm truh tơdrong jang ‘nâu.

VOV/Dơ̆ng tơblơ̆

Viết bình luận

TIN CÙNG CHUYÊN MỤC

Video

Ghi nhớ lời già làng căn dặn (Chúa vế rơkong krâ pơlê pơchân)
Gơyut ayong mơng hlâo
04/07/2025
Mồ côi
02/07/2025
Tanh bĕ ayong dăm jŭ
20/06/2025