Pơma pơtôch hop akŏm, Tổng Bí thư Tô Lâm tơchĕng ‘lơ̆ng tơdrong hơmet đơ̆ng anih chĕp kơ̆l păng nơ̆r tơgop hơnơ̆ng drơ̆ng nơ̆r hăm tơdrong jang đơ̆ng Anih pơgơ̆r đei lơ trong jang tôch hơdăh đơ̆ng dang ei truh đĭ sơnăm; tơtă gơ̆h chih tơlĕch dơ̆ng tơdrong jang kiơ̆ đơ̆ng rim tơdrong đei ƀôh tơ̆ yăn âu.

Tổng Bí thư pơma hơdăh 4 đon tơchĕng vă chĕp kơ̆l pơgơ̆r mưh tơlĕch jang, athei akŏm lơ̆m dôm tơdrong tih, pơ ‘nhŏ sek tơlang hơdrol dôm tơdrong kăl, adrin truh đĭ sơnăm ‘nâu hơmet pơ ‘lơ̆ng dôm tơdrong oei tơhlăk găh trong pơgơ̆r păng khôi luơ̆t, kiơ̆ đơ̆ng noh akŏm jên, tơmam, khul bơngai jang vă jang atŏk tơiung teh đak. Tổng Bí thư Tô Lâm athei, hơnơ̆ng hơmet pơ ‘lơ̆ng rim hla ar chih hơgăt luơ̆t, jăh hơlen năng dôm tơdrong tơchơ̆t đei ƀơm truh vă tơlĕch jang, mă loi athei bơ̆ jang mă pran tơdrong klăih song hơnăp jang, tơdrong jang păng bơ̆ jang trŏ hăm nơ̆r pơtho đơ̆ng Anih tơm Chinh trĭ.