Jô̆ truh khei 5 sơnăm ‘nâu, Việt Nam sơng đei hlŏh 340 rơbâu ‘nu tơmoi chă tơmang lăng đơ̆ng Nhật Bản. Tơplơ̆ kơ ‘nŏh, lơ̆m 5 khei âu ki, hlŏh 300 rơbâu ‘nu bơngai Việt Nam năm tơ̆ Nhật Bản, tŏk 9,6% pơting hăm khei âu sơnăm sơ̆. Tơdrong jơnei ‘nâu gơ̆h đei gơnơm đơ̆ng tơdrong adrin đơ̆ng dôm anih jang găh chă tơmang lăng kơ 2 teh đak.

Bơngai tang măt ăn Nhật Bản tơ̆ Việt Nam tơlĕch đon pơhnŏng hơtŏk kơsô̆ tơmoi năm vih vât tơ̆ băl đơ̆ng 2 teh đak truh 2 triu ‘nu bơngai lơ̆m sơnăm 2030. Anih tơlĕch trong chă tơmang lăng Nhật Bản tơ̆ Việt Nam păng dôm anih jang hơdoi hơmĕng hop akŏm gô pơih đei lơ tơdrong ‘lơ̆ng ‘nao vă jang hơdoi, tĕch mơdro, vă hơnhăk tơdrong chă tơmang lăng Việt Nam – Nhật Bản roi đunh roi tŏk ‘lơ̆ng păng kơjăp đunh tơ̆ ning mônh kơnh.